~يا صديقي ~
يوم صارت في الصديق انه يخون اصل المودة
اش علي من العداوة احسب لها ألفين حيلة
دام ناسي اللي وفيت أعطوني من البوق شده
كيف أخاف من العدو اللي كشف لي عن دليله
قالوا أن الوافي بآخر شينها أصله يرده
وأنا قلت الصبر كافي انتظرت ألفين ليله
لي صديق(ن) من عرفته و أنا همي استوده
ومن عرفني و هو يدور كيف يجرحني بسليله
له وفيت وكم عطيت ولا ذكرته دوم أعده
بين ناسي أقول صاحب ما يخوّن مستحيلة
ان ذكرني يعتبرني في القوايل دوم حده
وان طراني في هجوسه قال والله لاستفيله
كم شكاني بوجه ضاحك قال باني دوم أصده
وهوا أدرى الناس بأني لا طرا لي التجي له
أن ذكرته لو فقدته آجيه مع بوسه لخده
وان لقاني ما دريت بضحكته ألفين حيله
يا صديقي في المواقف صعبه الحسبه تعده
وماهو عيب ولاني جيت أقول وقفاتي الجليلة
دامك أنت بي تخوّن وقلبي يجهل بأنك ضده
اش علي من العداوة احسب لها ألفين حيلة
/
موضوع: .........ياصديقي......... 
السبت سبتمبر 06, 2008 1:57 am
