~يابحر انا جيتك ابشكي لـك اهمـوم~
\
/
يابحر انا جيتك ابشكي لـك اهمـوم
محتـارة مـن ويـن ببـدا وسمـي
ضاقت بي الدنيا وان جيتـك اليـوم
عسى امواجـك تقفـي بكـل همـي
ان كنت نايم يا بحر يـا بحـر قـوم
انا ابغـي اشكـي همـي المدلهمـي
كن تحت جفن العين بـراق وغيـوم
و الى مسحت الدمـع عـود يجمـي
ليتك تجيـب علـوم وتـودي علـوم
وكتب وصاتي فوق موجـك بدمـي
بكتب انا بأمـوت يـا سيـد القـوم
جرحك بقى في خافقي يا ابن عمـي
انا اعرفك رجال وربوعـك قـروم
مافيكم احد (ن) لـه طبوع(ن)تذمـي
لكن خطيت ومابه انسـان معصـوم
ما يستوي يـا فـلان مسلـم وذمـي
ظلمتني وفرحت عـدوان وخصـوم
وانا احسب ان همي لمثلـك يهمـي
ياللي تبعت فـلان وتقـول محشـوم
من نم عنـدك لازم (ن)بـك ينمـي
ورح بشره صرح الغلا صار مهدوم
لا عااااد اسمـع كلمـة منـه يمـي
يـا ليتنـي ماجيتكـم غيـر مقسـوم
اجي ويغرق في ازرق الدمع كمـي
ويا وقت صار الدرس واضح ومفهوم
ما عاد اوثق في بشر كون في امـي
ويا ليتني يا بحر مـا جيتـك اليـوم
اتعبتنـي شكـوى ولا شلـت همـي
\
/
موضوع: يابحراناجيتك ابشكي لك همي 
السبت سبتمبر 06, 2008 1:51 am
